Өршөөл үзүүлэх тухай хуулийн дагуу долдугаар сарын 2-ны өдрөөс өмнө зөрчил гаргаж, эрхээ хасуулсан жолооч нар эрхээ сэргээлгэх боломжтой болсон.
Үүнтэй холбоотойгоор Авто тээврийн хэрэгсэл жолоодох эрхээ сэргээлгэх гэсэн иргэд ЦЕГ-ын харьяа Ли­цензийн төвд ачаалал үүсгээд байгаа билээ.

Одоогоор тус төв 40 хүнтэй бүрэн бүрэлдэхүүнээрээ өглөө 08.00 ца­гаас орой 19.00 цаг хүртэл уртас­гасан цагаар ажиллаж 19.00 цагаас хойш өдөр нь хандсан иргэдийнхээ материалуудтай танилцаж, эрх сэргээх ажиллагааг явуулж байгаа юм байна.
Эрх сэргээх ажиллагаанд тодорхой цаг хугацаа заагаагүй учраас иргэд та бүхэн ажлаа алдаж өдөржин оочерлох хэрэггүй юм байна. Мөн хөдөө орон нутгийн харьяа­лалтай бол орон нутгийн цагдаагийн байгууллага нь эрх сэргээх  асуудлыг  авч шийд­вэрлэж байна. 2014 оны аравдугаар сарын 01-нээс өмнө авто тээврийн хэрэгсэл жолоодох эрхээ ха­суул­сан бол иргэний үнэмлэхтэйгээ ирээд эрхээ сэргээлгээд үнэмлэхээ авч бол­но.
Харин 2014 оны аравдугаар сарын 1-нээс хойш эрхээ хасуулсан бол иргэний үнэм­­­лэх,  жолооны   үнэм­лэх­ний 12500 төг­рөг банкинд  ту­шаасан  баримттайгаа ирээд эр­хээ сэргээлгээд, үнэмлэхээ захиалж авах юм байна.