Хятадын Шаньси мужид Shanxi Datong Coal Mine Group компанийн эзэмшдэг гүний уурхайд пүрэв гарагийн шөнө осол гарч 19 уурхайчин амь алдлаа гэж Синьхуа агентлаг эх сурвалжаас авсан мэдээллээ дамжуулжээ.
Хятадын төв телевизийн мэдээлснээр бол осол болох үеэд газар дор 129 хүн ажиллаж байснаас 110-ыг нь дээш гаргаж амжсан байна. Газар дор үлдэж амь үрэгдсэн хүмүүсийн цогцосыг гаргаж авч амжаагүй байгаа гэнэ. Осол чухам юунаас болж гарсныг тогтоохоор мэргэжлийн шинжээчид, аврах албаныхантай зэрэгцэн ажиллаж байгаа юм байна.
2015 оны эхээр Хятадын Засгийн газар хөдөлмөрийн аюулгүй ажиллагааны шаардлага хангахгүй байгаа таван мянга орчим жижиг уурхайг хаасан юм. Хятадын уул уурхайн салбар нь дэлхий дээр хамгийн аюултай үйлдвэрлэдлийн тоонд орж жилд дунджаар таван мянга гаруй хүн уурхайн ослын улмаас амь алддаг юм.