Гар утсаар хамгийн анх хэн, хэзээ дуудлага хийсний мэдэх үү. Одоогоос 41 жилийн өмнө буюу 1973 оны дөрөвдүгээр сарын 3-нд Мартин Күпер Нью-Йоркийн Зургадугаар өргөн чөлөөн дахь ажлынхаа өрөөнөөс өрсөлдөгч компанийн захирал руу ярьсан нь гар утсаар хийсэн хамгийн анхны дуудлага болжээ. Тэрээр гар утас бүтээх “уралдаанд” өрсөлдөгчөө ялсан болохоо ийн мэдэгдсэн хэрэг. Харин утасны нөгөө үзүүрээс түүнд удтал хариу өгөөгүй нь энэ тийм ч сайхан мэдээ биш байсных биз ээ. Мартин Күпер  бол “Моторола” компанийн эзэн, хожмоо “гар утасны эцэг” хэмээн алдаршсан зохион бүтээгч билээ. Түүний бүтээсэн гар утас 900 грам орчим жинтэй, бараг тоосго шиг том зайг нь цэнэглэхэд 10 цаг зарцуулдаг ч түүгээр ердөө 30 минут тасралтгүй ярьж болдог байжээ. Энэ явдлаас хойш 10 жилийн дараа гар утас АНУ-д худалдаанд гарсан юм.