Москва-Бээжингийн хооронд тавих хурдан галт тэрэгний төмөр зам Монголоор дайрч болох юм  гэж  оросын төмөр замын РЖД нийгэмлэгийн дэд ерөнхийлөгч Александр Мишарин оросын Красноярскт болсон Эдийн засгийн форум дээр мэдэгдсэн байна.
Энэ нь ОХУ-ын Засгийн газраас төмөр замын талаар хэрэгжүүлэх хэдэн том төслийн нэг Москва-Казань төслийн нэг хэсэг болж “Торгоны зам” нэртэй байх талаар Хятадад бүр 2013 онд зарласан юм байна.
Хятад төдийгүй Ази номхон далайн орнуудыг Европтой холбох гол гүүр болох энэ төслийг боловсруулах тендерийг энэ гуравдугаар сарын 16-нд зарлах юм байна.
“Энэ зам Алтайгаар явж Казахстаны нутгаар дамжин баруун хятадад хүрэхээр 7000 мянган км байж болох ч монгол нөхдийн гуйж байгаагаар  энэ замыг Транс сибирийн зам дагуу явуулж Монголын нутгаар дайруулж болохыг үгүйсгэхгүй. Ингэвэл энэ хөдөлгөөн Новосибирск, Красноярскийг дайрах болно” гэж Мишарин мэдэгджээ.
“ЮграPRO” хэвлэлийн мэдээлснээр хятадуудын барих  1,5 их наяд юань буюу 242 тэрбум ам.долларын өртөгтэй хурдны энэ замыг барьснаар ОХУ-ын нийслэл Москвагаас Бээжин хүрэхэд ердөө хоёр хоног аялах юм байна.