Билгийн

Доллар (USD)

Улаанбаатар

Сансарт хөөрч, дэлхийг тойрсон хөөрөг, 10 төгрөг хоёр


Өнөөдөр Монгол хүн сансарт нисч, монгол улс дэлхийд, сансар хорвоод нэрээ дуурсгасан өдөр 1981 оны гуравдугаар сарын  22-ны энэ өдөр Монгол Улсын иргэн Жүгдэрдэмидийн Гүррагчаа зөвлөлтийн “Союз-39” хөлгөөр сансарт хөөрч, эх дэлхийгээ агаар мандлаас хараад ирсэн.

Монголчуудад алс хол мордож буй хүүдээ ээж, аав нь сэтгэлийн бэлэг өгч аяны дөрөөг нь сүүгээр мялаадаг сайхан ёс заншил, уламжлал бий.
 
Энэ л уламжлалаар  Гүррагчааг сансарт хөөрөхөөр одоход  аав нь хөөргөө,  ээж нь  10 төгрөг бэлэглэсэн гэдэг.  Ачит ээжийнхээ хөдөлмөр шингэсэн 10 төгрөгийг аавынхаа хөөрөгтэй хамт энгэртээ хадгалж эх дэлхийгээ тойроод ирсэн  байна.

Сансрын нисэгч БНМАУ-ын баатар Ж.Гүррагчаа хэвлэлд өгсөн нэгэн ярилцлагадаа “Ээжийнхээ өгсөн 10 төгрөг, аавынхаа барьдаг хөөргийг өвөртлөөд би сансарт ниссэн. Тэр нандин эдийг насан туршдаа хадгална. Тэр бол миний талисман юм” гэсэн нь бий.
 

0 Сэтгэгдэл
Хамгийн их уншсан