Билгийн

Доллар (USD)

Улаанбаатар

Жон Леноны цусан толботой цамц 41 мянган долларын үнэ хүрлээ


“Битлз”-ийн хөгжимчин алдарт Жон Леноны цусны толботой цагаан цамцыг дуудлага худалдаагаар 9,3 мянган доллараар үнэлсэн ч 41 мянган долларын үнэ хүрч борлосон байна.

Энэ цамцны эзэн жижүүр  Жей Гастингс гэгч алдарт Жон Леноныг буудуулсны дараа аврахыг оролдож байхдаа цамцаа ийн цус болгожээ. Жей Жон Леннон, Йоко нарын амьдарч байсан Нью-Йоркийн нь байшинд олон жил алба хааж, тэднийг сайн таньдаг байсан гэнэ. Тэрээр цустай энэ цамцаа гучин жил хадгалж, хэнд ч хэлэлгүй өнөө хүрчээ.

Тэгээд өнөөдөр энэ бүхнийг дэлгэх цаг болсон гээд өөр бас хэд хэдэн эд зүйлийг дуудлага худалдаанд тавьсны дотор Жон Ленноны өөрт нь бэлэг болгож өгсөн дээр нь дурсгалын бичээстэй   Double Fantasy цомог нь байна.

Жон Ленноныг 1980 оны арванхоёрдугаар сарын 8-ны өдөр хотын төв цэцэрлгийн ойролцоох гэрийнх нь дэргэд буудан хөнөөсөн юм. Түүний алуурчин Марк Чепман гэрийнх нь гадаа бүтэн өдөр хүлээж байгаад засмал зам дээр сууж байхдаа таван удаа буудсан юм. Тэрээр цагдаа нараас нуугдахыг ч оролдолгүй байж байгаад хууль сахиулагчдад баривчлагдсан бол Жон Леннон их цус алдсаны улмаас эмнэлэгт очоод нас барсан юм.

0 Сэтгэгдэл
Хамгийн их уншсан