Хаа сайгүй ургадаг халгай гэдэг ургамал элэг цөс, бөөр чулуужих, үе мөчний өвчин, хөлдөх, түлэгдэх, цагаан мах гарах, ходоод шулуун гэдэсний  салстын үрэвсэл, шээс  задгайрах, эмэгтэйчүүдийн савны өвчин, сарын тэмдгийн мөчлөг алдагдах, гэдэс гүйлгэх зэргийг анагаах шидтэй. Халгайг бэлтгэхийн тулд зургадугаар сарын дунд үе хүртэл хоггүй цэвэр газар ургасан хэсгээс 20-25 см өндөр ургасныг нь түүнэ. Энэ үед халгай хамгийн чанартай, шим тэжээлтэй байх бөгөөд халгайгаа бүлээн усаар хоёроос гурван удаа зайлж усны өнгө хувирахгүй болтол угаана. Халгайг сүүдэр газар хатаах юм уу давслан даршлах байдлаар хадгалж бүтэн жилийн турш хэрэглэж болно. 1-2 кг хатаасан халгай нэг өрхийн жилийн хэрэгцээг хангана. Үс, арьсыг  өнгөлөг, уян хатан болгодог энэ ургамлыг доорх хоёр аргаар хэрэглэж болно.  
1. Нэг аяга халуун усанд том халбагаар халгайн нунтаг навч хийж, хэсэг хугацаанд идээшүүлж хөргөөд хоолны халбагаар өдөрт гурван удаа ууна.
2. 200 грамм навчийг нэг шил архинд хийж хутгаад сэрүүн газар хонуулна. Маргаашнаас нь харанхуй газар найм хоног хонуулж сайн зайлаад навчийг нь шүүж авна. Бэлтгэсэн уусмалыг өглөө өлөн элгэн дээр болон унтахаас өмнө  цайны халбагаар тус бүр нэг ууна. 50 гр уусмалыг гурван долоо хоногийн турш уухад хүний бие эрч хүчтэй болдог. Хаврын шинэ халгайн шүүс нь зүрхний үйл ажиллагаа, цусны эргэлт сайжруулж, тамир тэнхээг нөхдөг.