Их, дээд сургуулийг энэ жил аттестатчилалд хамруулж дуусгахаар БСШУЯ-ныхан ажилдаа ороод байгаа. Энэ удаагийн аттестатчилалд 31 их, дээд сургууль хамрагдаж буй юм. Хэд нь тэнцэж, аль аль сургуулийн үйл ажиллагааг зогсоох эцсийн дүн нь энэ сарын 31-нд гарах ёстой байсан ч хугацаандаа дуусахгүй нь тодорхой болжээ. Учир нь, сургуулиудыг аттестатчилах ажил дуусаагүй байгаа талаар холбогдох мэргэжилтэн нь хариулт өгч байна. 10 гаруй комиссын багийнхан сургуулиудын мэдээллийг нэгтгэсний дараа салбарын сайдын хурлаар оруулж бүх зүйлийг тодорхой болгох аж. Тиймээс эцсийн дүн ирэх сарын 3-нд тодорхой болох юм байна. Ямартай ч эх сурвалжийн өгүүлснээр хэд хэдэн сургуулийн үйл ажиллагааг бүрмөсөн зогсоож магадгүй гэнэ.