Сургуулийн өмнөх болон бага, дунд боловсролын байгууллагад багшаар ажиллах эрх олгох шалгалтын бүртгэл дуусч, тов нь гарчээ. Хоёр өдрийн дараа авах шалгалтад багшийн мэргэжлээр их, дээд сургууль төгссөн бакалаврын зэрэгтэй болон холбогдох журмын дагуу багшийн мэргэжил эзэмшүүлэх хөрвөх сургалтад хамрагдсан иргэд, эрх нь цуцлагдсан багш нар орох эрхтэй юм байна. Тэнцсэн тохиолдолд мэргэжлээрээ ажиллах боломж нь гурван жилийн дотор нээлттэй. Тус шалгалтыг БСШУ-ы сайдын тушаалаар жилд хоёр удаа зарлаж онлайнаар бүртгэлээ явуулдаг. Энэ удаагийн шалгалтыг тест, эссэ бичлэг гэсэн хоёр төрлөөр авах юм байна.