Баянзүрх, Сүхбаатар, Чингэлтэй дүүргийн шүүхээс Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг энэ сарын 16-нд батлан даалтад гаргах шийдвэр гаргасан. Улмаар Б.Батзаяаг гадуур батлан даалтад шалгаж байсан юм. Тэгвэл уг шийдвэрийг прокурор нь эсэргүүцэж, эсэргүүцэл бичсэн байна.

Эсэргүүцлээ өчигдөр тус дүүргийн шүүхэд хүргүүлсэнээр өнөөдөр 8:30 цагаас Б.Батзаяаг батлан даалтад гаргах уу, үргэлжлүүлэн хорих уу гэдгийг Баянзүрх, Сүхбаатар, Чингэлтэй дүүргийн шүүхэд хэлэлцсэн. Ингээд шүүхээс Б.Батзаяаг хорих шийдвэр гаргасан байна.