Шалгалт, шүүлгийнхээ ард гарсан залуус аль их, дээд сургуульд элсэн орохоо шийдэх шийдвэрийнхээ өмнө ирээд байна. Зарим нь элсэн суралцах сургуулиа сонгочихоод байгаа бол зарим нь мэдээлэл дутуугаас аль сургуулийг сонгохоо шийдэж чадахгүй байсаар. Тэгвэл сургуулиа хараахан сонгож амжаагүй элсэгчдэд зориулж “Шинэ элсэлт-шилдэг боловсрол 2012” үзэсгэлэн яармаг маргааш “Улаанбаатар хотын бизнес хөгжлийн төв” буюу хуучнаар Улаанбаатар хотын банкны шилэн барилгын үзэсгэлэнгийн танхимд гарах гэж байна. Үзэсгэлэнгийн үеэр элсэгчдэд гадаад, дотоодын их, дээд сургууль, коллежиуд, албан ёсны төлөөлөгчийн газрууд, зуучлалын компаниуд хэрэгцээтэй бүхий л мэдээллийг нь хүргэх аж. Мөн их, дээд сургуулиуд элсэгчдээ бүртгэж авахаар болсон байна.