Ерөнхий боловсролын сургуулийн дунд, ахлах ангийн сурагчдаас математикийн түвшин тогтоох, хараат бус, анхан шатны  шалгалтыг  анх удаа авах гэж байна. Тус шалгалтыг БНТУ-ын Истанбулын Эсэнюрт их сургуулийн Монгол дахь Төлөөлөгчийн газар болох Фэст сургалтын төв Монголдоо анх удаа зохион байгуулахаар болсон нь энэ.

Шалгалтаар сурагчдын математик, геометрийн мэдлэг ямар түвшинд байгааг шалгахаас гадна бусадтай харьцуулах, харин эцэг, эхчүүд хүүхдийнхээ түвшинг мэдэж авах боломжоор хангагдаж буйгаараа онцлог­той. Шалгалтын бүртгэл энэ сарын 11-ний өдрийг хүр­тэл үргэлжлэх бөгөөд тус сур­галтын төв дээр бүртгэж ман­дат олгох юм байна. Зөв­хөн мандат авсан сурагчид шал­галтад орох боломжтой аж.

Зохион байгуулагчдын зүгээс цаашид улирлын амралт бүрээр математик, геометрийн түвшин тогтоох анхан, дунд, ахисан түвшний  шалгалт авах юм гэнэ.
Тухайлбал, хоёрдугаар улирлын амралтаар дунд түвшний, гуравдугаар улирлын амралтаар ахисан түвшний гэх зэргээр шаталсан хэлбэртэй аж. Харин энэ удаагийн шалгалт нь анхан шатны түвшингийнх юм байна.
Шалгалтын дүн Фэст сургалтын төвийн фэйсбүүк хуудсаар энэ сарын 15-наас хойш мандатын кодоор тавигдаж, 80 онооноос дээш дүн авсан сурагчдад батламж гардуулах нь.

Дашрамд сонирхуулахад, тус сургалтын төв нь математик, геометрийн хичээлүүдээр сургалт явуулж, Монгол-Туркийн хамтарсан сургуулийн шалгалт болон ЭЕШ-д бэлддэг, бэлдсэн сурагчид нь өндөр оноотой тэнцсээр иржээ.