Арван хувийн зөгийн балтай бүлээн усаар толгойнхоо асуудалтай хэсгүүдэд түрхээд гурван цагийн дараа усаар зайлна. Үүний дараа долоо хоног болоход загатнах нь буурч , арьс гуужих, хагтах нь буурсан байна. Дахиад нэг долоо хоногт дээрх эмчилгээг давтахад хуйх бүхэлдээ эдгэрч үс унахыг ч багасгадаг байна. Ийм маягаар долоо хоног бүр эмчилж зургаан сар өнгөрөхөд бүрэн эдгэрдэг байна.

Халуун бүлээн усанд /60хэмээс ихгүй/ зөгийн бал, хэдэн дусал нимбэгний шүүс нэмж уух нь жин барих хүсэлтэй хүмүүсийн хувьд шалгарсан арга юм. Мөн та жингээ барьж байгаа үедээ чихэрлэг зүйл хэрэглэхийг хүсвэл зөгийн бал сонгоорой. Зөвхөн ууж хэрэглэхээс гадна хоол хүнсэндээ ч хэрэглэж болно.

Эрт үеэс олимпд оролцох тамирчид, зөгийн балыг дангаар нь идэж, ууж эрч хүч тамираа сэлбэдэг байв. Орчин үеийн судалгаагаар зөгийн бал хүч тамирыг түргэн хугацаанд сэлбэж, тамир тэнхээг нэмдэг гэдгийг олонтой нотолдог.