Ховд, Баян-Өлгий аймагт сургуулийн дотуур байрын хүүхдийн эрхийг хангах төсөл хэрэгжээд удаж байгаа билээ. Тус төслийн хүрээнд дотуур байранд амьдарч буй хүүхдүүдэд чиглэсэн олон үйл ажиллагаа хийгддэг бөгөөд энэ удаад дотуур байран дахь Хүүхдийн зөвлөлийг чадваржуулах сургалт хичээлийн жилийн төгсгөлд буюу ирэх зургадугаар сарын дундуур болох юм байна.
Энэ сургалтын хүрээнд хүүхдүүд төрөл бүрийн чадваржуулах сургалтуудад хамрагдах ба өөрсдөдөө тулгамдаж байгаа асуудлаа тодорхойлж, түүнийг хэрхэн шийдвэрлэх талаар санал бодлоо солилцож, хэлэлцүүлэг өрнүүлэх ажээ.