Засгийн газрын хэрэг эрхлэх газрын дарга Г.Занданшатар МҮЭХ-ны удирдлага болон багш нарын ажил хаялтыг зохион байгуулах шуурхай ажлын хэсгийн төлөөлөлтэй өнөөдөр уулзсан. Тус уулзалтаар Засгийн газрын зүгээс багш нарын асуудлыг судлах ажлын хэсэг байгуулах санал гаргасан юм. Харин энэ саналд үйлдвэрчний эвлэлийн байгууллагаас нэлээн болгоомжтой хандаж, ажлын хэсэгт ажиллах эсэхээ гишүүдээсээ асууна, олонхийн шийдвэрээр асуудалд хандана хэмээн БШУҮЭХ-ны дарга Ж.Батзориг мэдэгдээд байсан.Тэгвэл ажил хаясан багш нар Засгийн газрын ажлын хэсэгт орохоос татгалзсан шийдвэр гаргажээ. Өөрөөр хэлбэл Засгийн газарт дахин хууртахгүй хэмээж байна.