Авлигатай тэмцэх газраас Ерөнхий боловсролын I сургуулийн захирал Г.Бум-Эрдэнийг өнгөрсөн шөнө саатуулжээ. Түүнийг авлигын хэрэгт буруутгаж байгаа аж. Тодруулбал, нэгдүгээр ангид хүүхэд элсүүлж авахдаа, өөр сургуулиас хүүхэд шилжүүлэн авахдаа бусдаас хахууль авч байгаад үйлдэл дээрээ баригдсан гэх мэдээлэл байна. Түүнийг хахууль өгсөн хүнтэй нь хамт баривчилсан аж. Өмнө нь АТГ-аас “Нэгдүгээр сургуульд БСШУСЯ-наас элсүүлэх цохолттой 41 хүүхэд ирсэн байсан. Хамран сургах тойргийн хаягийн бүртгэл дээр 2017 оны хагас жилээс хойш шилжиж ирсэн, хүүхэд дангаараа, эсхүл ээжтэйгээ шилжиж ирсэн, оршин суудаг гэдгээ нотолж чадахгүй зэрэг асуудалтай 58 хүн байна” хэмээн мэдээлсэн билээ.