Засгийн газрын хэрэгжүүлэгч агентлаг Татварын ерөнхий газраас эцэг, эхчүүд, оюутан суралцагчдад хандан сургалтын төлбөрөө төлсөн нөхцөлд сугалааны дугаартай төлбөрийн баримтаа сурч буй сургуулиасаа заавал авахыг анхааруулжээ. Энэ нь тухайн суралцагч сургалтын төлбөрөө төлсний нотолгоо болохоос гадна хөнгөлөлт эдлэх юм байна. Тодруулбал, Хувь хүний орлогын албан татварын тухай хуулийн 24.6-д "Албан татвар төлөгчийн төрсөн буюу үрчилсэн хүүхэд гадаад, дотоодын их, дээд болон мэргэжлийн боловсролын сургууль, коллежид элсэн суралцаж байгаа бол түүний сургалтад төлсөн баримтаар нотлож байгаа төлбөрийн хэмжээгээр албан татварын хөнгөлөлт үзүүлнэ" гэж заажээ.

Үүний дагуу 2018 оны сургалтын төлбөрийн хөнгөлөлт эдлэхэд шаардлагатай бичиг баримтын бүрдэлд и-баримт зайлшгүй шаардах тул сургалтын төлбөр төлсөн тухай бүрдээ и-баримтаа авч байхыг анхааруулжээ.