“Модерн Экспо” агентлагаас санаачлан Боловсрол, соёл, шинжлэх ухаан, спортын яам, Монголын оюутны холбоотой хамтран жил бүр уламжлал болгон зохион байгуулдаг “Шинэ элсэлт-Боловсрол экспо 2019” үзэсгэлэн яармаг 2019 оны 6-р сарын 23-26-ны өдрүүдэд Монголын үйлдвэрчний эвлэлийн соёлын төв ордны /МҮЭСТО/ үзэсгэлэнгийн танхимд болно.

Үзэсгэлэн яармагт БСШУСЯ-наас аттестатчилагдсан, Боловсролын магадлан итгэмжлэх үндэсний зөвлөл /БМИҮЗ/-өөс 1 ба түүнээс дээш удаа магадлан итгэмжлэгдсэн, чанартай дээд боловсрол олгож буй дотоодын их, дээд сургууль, коллеж, мэргэжлийн сургалт үйлдвэрлэлийн төвүүд болон гадаадын шилдэг их, дээд сургуулиудын албан ёсны төлөөлөгчийн газрууд оролцож, үйл ажиллагаагаа танилцуулж, бүх талын мэдээллийг олгож, шинээр элсэгчдийнхээ бүртгэлийг явуулах болно.