Бидний хүндлэлт буурай Дулам овогтой Долгор 86 насандаа тэнгэрийн оронд морилж хүнд гарз учирлаа. Тэрбээр Түшээт хан Чахундоржийн удмын Галзууд омгийн хамгийн ахмад хүн бөгөөд 1933 онд Дорнод аймгийн Цагаан-Овоо суманд төржээ. Төрсөн эцэг Дондог нь Ардын армид офицероор ажиллаж байгаад 1937 онд буудуулсан тул амьдралын эрхээр ээжээрээ овоглосон байна.
Д.Долгор 1941 онд Цагаан-Овоо сумын бага сургуульд элсэж, Чойбалсан хотын 1 дүгээр 10 жилийн сургуулийг дүүргэжээ. Улмаар Ленинградын их сургуульд 5 жил суралцсаны дараа МУИС-д хүүхдийн болон рентгений эмчийн мэргэжил эзэмшжээ. Тэрээр Улсын клиникийн төв эмнэлгийн анхны рентгений эмч бөгөөд Төв аймгийн Эрдэнэсант, Лүн сум, Зуунмод хот, Дорнод аймгийн Цагаан-Овоо, Баяндун, Сэргэлэн сум, Чойбалсан хотын Үйлдвэрүүд, Нэгдсэн эмнэлэгт мэргэжлээрээ ажиллаж байгаад тэтгэвэртээ гарчээ. Д.Долгор нь Эрх чөлөөний одон, Алдарт эхийн I, II одон, ОХУ-ын Буриадын Гавъяат эмч цолоор шагнагджээ.
Түүний үр хүүхэд, төрөл төрөгсдөд гүн эмгэнэл илэрхийлье. Талийгаач бурхны хутаг олох болтугай.
МОНГОЛЫН АРДЧИЛСАН ХОЛБОО
БАЯНГОЛ ДҮҮРГИЙН МОНГОЛЫН АРДЧИЛСАН ХОЛБОО
