Баянзүрх дүүргийн 6 дугаар хороо Оюутны хотхоны дунд 59 дүгээр цэцэрлэгийн хуучин барилгыг буулгаж, 280 хүүхдийн хүчин чадалтай цэцэрлэгийн шинэ барилгыг шинээр ашиглалтад орууллаа.

280 хүүхдийн хүчин чадалтай, 12 бүлгийн 50 багш, ажилтантай уг цэцэрлэгийн барилгыг Улсын төсвийн хөрөнгө оруулалтаар 2018-2019 онд он дамжин Барилгын хөгжлийн төв захиалагчийн хяналт тавьж, 4.0 тэрбум төгрөгийн төсөвт өртөгөөр “Хаппи бюлдинг” ХХК барьж гүйцэтгэсэн.

Хуучин барилга 100 хүүхдийн хүчин чадалтай 1968 онд баригдаж, Мэргэжлийн хяналтын байгууллагын цаашид ашиглах боломжгүй гэсэн дүгнэлт гарсаны дагуу буулгаж шинээр барьсан юм. Шинэчлэн баригдсан цэцэрлэгт 420 хүүхэд хамрагдаж байна. Тус хороонд сургуулийн өмнөх насны 588 хүүхэд байна.