Ерөнхий боловсролын сургуулийн сурагчдын хоёрдугаар улирлын амралт үргэлжилж байна. Энэ сарын 13-нд дуусах ёстой улирлын амралтыг томуу, томуу төст өвчний тархалт их байгаатай холбогдуулан сунгах саналыг Эрүүл мэндийн яамнаас БСШУСЯ-нд хүргүүлээд байна. Тодруулбал, өнөөдрийн байдлаар нийслэлд үйл ажиллагаа явуулж буй улсын тодотголтой эмнэлгүүдийн амбулаторийн үзлэгийн 10 орчим хувийг томуу, томуу төст өвчнөөр өвчилсөн хүүхдүүд эзэлж байгаа. Хэрэв өвчний үзүүлэлтийн 5 хувь болон түүнээс дээш хувийг аливаа нэг төрлийн өвчин эзэлсэн бол дэгдэлт гэж үзэн арга хэмжээ авдаг аж. Иймд тус яамнаас Нийслэлийн боловсролын газар болон холбогдох яамд сурагчдын амралтыг сунгах санал хүргүүлсэн юм байна.