Монгол оронд өрнөсөн ардчилсан хувьсгалын тэргүүн эгнээнд манлайлан тэмцсэн бидний журмын нөхөр Шаравдоржийн ТӨМӨРБААТАР зуурдаар бурхны оронд заларлаа.
Ш.Төмөрбаатар нь нийслэлийн 24, 5 дугаар дунд сургууль, Политехникийн дээд сургууль, Удирдлагын академи тус тус төгссөн.
Тэрээр Ардын армийн 028 дугаар ангид ахлах түрүүч цолтойгоор хугацаат цэргийн албаа хааж, Цахилгаан шуудан холбооны газар техникч, МоАХ-ны Улаанбаатар хотын зөвлөлийн дарга, Хөх Монгол Үйлдвэрчний эвлэлийн тэргүүн, Нийслэлийн Чингэлтэй дүүргийн ИТХ-ын Тэргүүлэгч, Буянт-Ухаа дахь Гаалийн газрын дарга, “Улаанбаатар хот тохижилт" компаний захирал, УИХ-ын Тамгын газарт зөвлөх, Өмнөговь аймгийн Гаалийн газрын дарга, Нийслэлийн өмчийн харилцааны газрын дарга зэрэг хариуцлагатай албыг нэр төртэй хашжээ.
Түүний ажлын үр дүнг үнэлж Монгол улсын Гавъяат эдийн засагч цол, Эрх чөлөөний одон, Тусгаар тогтнолын одон, Болор одон, Чингисийн одонгоор тус тус шагнасан байна.
Шаравдоржийи ТӨМӨРБААТАР маань биднээс зуурдаар салан одсонд гүнээ гашуудаж, гэгээн дурсгалыг нь хүндэтгэн гэр бүл, төрөл төрөгсдөд нь гүн эмгэнэл илэрхийлье.
Талийгаачийн үүх түүхээ дээдэлдэг, хөдөлмөрч гэгээн дүр бидний зүрх сэтгэлд хоногшин үлдэх болно
УДИРДАХ ЗӨВЛӨЛ
