Улсын онцгой комисс дөнгөж сая хуралдаж дууслаа. Тус хуралдаанаар КОВИД-19 халдварын нөхцөл байдлын талаар болоод гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг сунгах эсэхийг хэлэлцэв. Улсын хэмжээнд засаг захиргаа, нутаг дэвсгэрийн нэгж, төрийн болон нутгийн захиргааны байгууллага, хуулийн этгээдийг гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг 2020 оны 7 дугаар сарын 31-ний өдрийг дуустал сунгасан байсан бөгөөд энэ баасан гарагт дуусгавар болж буй юм. Түүнчлэн 9 дүгээр сарын 01-ний өдрөөс бүх шатны сургуулиуд болон цэцэрлэгүүдийн үйл ажиллагааг үе шаттайгаар нээх эсэх асуудлыг ч хэлэлцэн шийдвэрлэлээ. Тодруулбал 9 дүгээр сарын 1-нээс эхлүүлэх шийдвэр гаргасан байна. Гэхдээ хичээлийг зайнаас, танхимаас явуулах зохицуулалтыг хийхээр болжээ.

Харин Мэргэжлийн боловсролын сургалтын байгууллагын хичээл 2020 оны 9 дүгээр сарын 14-ний өдрөөс, их, дээд сургууль, коллежийн хичээл 2020 оны 10 дугаар сарын 5-ны өдөр эхлүүлэхээр болсон байна.