Монголын Боловсрол, шинжлэх ухааны ҮЭ-ийн холбооны дэргэдэх СӨБ-ын ҮЭ-ийн нэгдсэн хорооноос аравдугаар сард дүүргүүдийн цэцэрлэгүүдийн ХАБЭА-н ажилтнуудад зориулсан “Хөдөлмөрийн аюулгүй байдал, эрүүл ахуй” сэдэвт нэг өдрийг сургалтыг зохион байгуулж байна. Өнгөрсөн долоо хоногт Сонгинохайрхан дүүргийн цэцэрлэгийн ажилчдад энэхүү сургалтыг зохион байгуулсан бол өнөөдөр /2020.10.13/ Баянгол дүүргийн цэцэрлэгүүдийн эмч нар болох 40 гаруй ажилтан энэхүү сургалтад хамрагдлаа. Сургалтаар МҮЭ-ийн холбооны ЕНД Г.Адъяа “ХАБЭА-н ерөнхий ойлголт, ХАБЭА-н тухай хууль”, СӨБ-ын ҮЭ-ийн нэгдсэн хорооны дарга Д.Саранцэцэг “Хөдөлмөрийн тухай хууль, түүний хэрэгжилт, анхаарах гол асуудал”, ХССТ-ийн захирал М.Ганаа “Үйлдвэрлэлийн осолд хүргэдэг аюултай хүчин зүйлс, түүнийг таньж илрүүлэх, урьдчилан сэргийлэх ажиллагаа”, БАЗ Б.Насанжаргал “Ажлын байранд эрүүл мэндэд сөргөөр нөлөөлдөг хүчин зүйлс болон ажилтны зан үйлтэй холбоотой өвчлөл, тэдгээрээс урьдчилан сэргийлэх” зэрэг сэдвээр хичээл заав. Энэхүү сургалтыг тус нэгдсэн хорооноос удахгүй Баянзүрх, Сүхбаатар, Хан-Уул, Чингэлтэй дүүргүүдэд зохион байгуулах аж.
