Боловсролын магадлан итгэмжлэлийн үндэсний зөвлөл 20 хүнтэй ч 12 зөвлөлөөр дамжуулан 5000 орчим хүний оролцоотойгоор магадлан итгэмжлэлийг хийж байна. Манай улсад дээд боловсролын байгууллага заавал магадлан итгэмжлэл хийлгэх зохицуулалттай бол хөтөлбөрийг сайн дураар магадлан итгэмжилдэг.

Улсын хэмжээнд 88 дээд боловсролын байгууллага байна. Тэдний 72 нь магадлан итгэмжлэл хийлгэжээ. Харин хөтөлбөрийн тухайд өнөөдөр магадлан итгэмжлэл нь хүчинтэй 130 хөтөлбөр байна. Магадлан итгэмжлэлийг 5 жил тутамд нэг удаа хийдэг. 2005 оноос хойш 4 удаа магадлан итгэмжлэл хийлгэсэн 4 сургуулийн 4 хөтөлбөр байна.

1. АШУҮИС-ийн “НҮҮР АМ СУДЛАЛ” хөтөлбөр

2. ШУТИС-ийн “ЦАХИЛГААН ХОЛБОО” хөтөлбөр

3. МУБИС-ийн “БАГШ СӨБ” хөтөлбөр

4. Мандах их сургуулийн “НЯГТЛАН БОДОХ БҮРТГЭЛ” хөтөлбөр

Манай улсаас 110 хөтөлбөр олон улсын магдлан итгэмжлэл хийлгэсэн байна. Хамгийн олон хөтөлбөрөө ШУТИС магадлан итгэмжлүүлжээ.