Засгийн газрын өчигдрийн хурлаас боловсролын салбартай холбоотой хэд хэдэн шийдвэрийг гаргасан байна. Тухайлбал, 12 дугаар ангийн сурагчдыг ЭЕШ-д бэлтгэх танхимын давтлагад хамруулна, 3 болон 4 дүгээр курсын оюутнуудыг дадлага хийх боломжоор хангана, Гадаадад суралцахаар шалгалт өгөх хүүхдүүдийг хэлний бэлтгэл бусад сургалтад танхимаар бэлтгэнэ гэжээ.
Ингэхдээ, сургууль анги танхимыг халдваргүйжүүлж, халдвар хамгааллын дэглэмийг чанд сахиулах, багш нар вакцинжуулалтад хамрагдсан байх ёстой аж. Мөн сургалт, давтлага зохион байгуулах бүс нутагт эрсдэлийн нөхцөл байдлыг тооцох юм байна.
Хэзээнээс эхлүүлэх, нэг хичээл тус бүрээр давтлага өгөх хугацаа, анги дүүргэлт гээд нарийвчилсан журам, зөвлөмжийг ойрын өдрүүдэд БШУЯ-наас гаргах нь.
Эх сурвалж: БШУЯ
