“Монголын Ардчилсан холбооны гишүүд, үүсгэн байгуулагчдын үндэсний зөвлөгөөн” гэгчийг зохион байгуулсан нэр бүхий иргэдийн үйл ажиллагаа нь гэмт хэргийн шинжтэй гэж үзэж буй МоАХ-ноос өнөөдөр мэдээлэл хийлээ.
Энэ үеэр Монголын Ардчилсан холбооны Хяналтын зөвлөлийн дарга Д.Пүрэвбаатар “Манай тамга тэмдгийг ашиглаж, дураараа авирласан үйлдэл нь гэмт хэргийн шинжтэй гэж үзэж, ЦЕГ-т гомдол гаргалаа. Гомдлыг маань сая хүлээн авлаа. Монголын Ардчилсан холбооны нэр, тамга тэмдэг, логог дураараа ашиглаж байгаа явдлыг таслан зогсоохгүй бол улс төрийн нам нь олон нийтийн байгууллагын гишүүдийг ч төөрөгдөлд оруулж байна. Тиймээс цаашид ийм үйлдэл гаргуулахгүй байх сонирхол бидэнд байна.
Монголын Ардчилсан холбоог одоогоор Х.Баттулга тэргүүлдэг. Тус зөвлөгөөнд Х.Баттулга гэдэг хүн оролцоогүй, оролцох ч ёсгүй. Дүрмээр хориотой үйл ажиллагаанд оролцсон гэдэг нь өөрөө гүтгэлгийн чанартай мэдээлэл юм" гэлээ.
