УИХ-ын Пүрэв гарагийн ээлжит хуралдаанаар Төрийн хяналт шалгалтыг гурван жилийн хугацаанд зогсоох тухай хуулийн төслийг хэлэлцэж эхлэхэд МАН-ын УИХ дахь бүлэг завсарлага авлаа.  Уг хуулийн төсөл гишүүдийн дунд багагүй маргаан дагуулсан тул УИХ дахь МАН-ын бүлэг ийнхүү завсарлага авч, байр сууриа нэгтгэх хүсэлт гаргав. Энэ дагуу уг хуулийн төслөөр МАН-ын бүлэгт тав хоногийн завсарлага олгосноор үдээс өмнөх хуралдаан завсарлав. 

Засгийн газраас өнгөрсөн 1 дүгээр сард төрийн хяналт шалгалтыг гурван жилээр зогсоох хуулийн төслийг УИХ-д өргөн мэдүүлэх талаар мэдэгдсэн. Уг хуулийн төслийг гуравдугаар сарын 24-нд УИХ-ын чуулганаар хэлэлцээд анхны хэлэлцүүлэгт бэлтгүүлэхээр холбогдох байнгын хороонд шилжүүлсэн. Тус хуулийн үйлчлэл гурван жилийн хугацаанд буюу 2022 оны 2 дугаар сарын 1-ний өдрөөс эхлэн 2024 оны 12 дугаар сарын 31-ний өдөр хүртэл хэрэгжинэ.