АССА тодруулга: /2022-05-16/ Хөдөлмөр, нийгмийн сайд А.Ариунзаяа "Бурхан багшийн Их дүйчин өдөр нь зуны тэргүүн сарын шинийн 15-нд амрах учиртай. Гэтэл энэ өдөр нь аргын тооллын тавдугаар сарын 16 болон 6 дугаар сарын 14-нд хоёр удаа тохиож байгаа. Бурхан багшийн Их дүйчин өдрийг энэ жил зургаадугаар сарын 14-нд тэмдэглэн өнгөрүүлнэ" гэв. 

Мөн Гандантэгчэнлин хийдээс энэ талаар тодруулахад, "Энэ жил зуны тэргүүн сар хоёр тохиож байгаа, өөрөөр хэлбэл 5, 6 дугаар сард зуны тэргүүн сар тохиож байна.  Зурхайн ухаанаараа Бурхан багшийн дүйчин өдөр нь зургаадугаар сарын 14-нд болно" хэмээн тайлбарлав. 

Гэвч ерөнхий боловсролын сургуулийн энэ жилийн улсын шалгалт 6 дугаар сарын 14-нд товлогдсон тул энэ талаар Боловсролын Үнэлгээний Төвөөс мөн тодрууллаа.  

Боловсролын үнэлгээний төвийн дарга Л.Ганбат: "Засгийн газраас зургаадугаар сарын 14-нд бүх нийтээр амарна гэж албан ёсоор зарлавал улсын шалгалтын хуваарийг өөрчилнө" хэмээн хариулав. 

Ирэх 6 дугаар сарын 14-нд 9 дүгээр ангийнхны Математик, 12 дугаар ангийн Математик, МСҮТ-д суралцагчдын Математикийн хичээлийн улсын шалгалтыг тус тус товлосон байгаа.