Азийн хөл бөмбөгийн холбооноос зохиодог Азийн цомын тэмцээний урьдчилсан шатны тоглолтууд зургаадугаар сарын 8-д Монгол Улсад эхэлнэ. Урьдчилсан шатны B хэсэгт Палестин, Филиппин, Йемен улсуудтай нэг хэсэгт багтсан Монголын шигшээ баг гурван тоглолтыг хийх юм.

Урьдчилсан шатны тоглолтууд ирэх сарын 8-ны өдрийн 17:00 цагт Палестинтай, зургадугаар сарын 11-ний 12:30 цагт Филиппинтэй, зургадугаар сарын 14-ний өдрийн 17:00 цагт Йемений шигшээ багтай тус тус тоглоно. Хэсгээ тэргүүлсэн баг 2023 оны Азийн цомын тэмцээнд оролцох эрхээ шууд авах бол хоёрт орсон багуудаас хамгийн өндөр оноотой 5 нь Азийн цомд оролцох боломжтой болно.