Энэтхэгийн Ченнай хотод шатрын дэлхийн 44-р олимпиад болов. Манай эмэгтэй баг 15-рт оржээ. Тус олимпиадад 160 орны 162 эмэгтэй баг өрсөлдсөн аж. Хувийн дүнгээр ДШХ-ны дэд мастер Б.Мөнгөнзул дөрөвдүгээр ширээндээ түрүүлж, алтан медалийн эзэн болсон бол ОУМ Т.Мөнхзул гуравдугаар ширээнд зургаа, ИМ А.Энхтуул нэгдүгээр ширээнд 19-рт орсон байна.
Т.Мөнхзул ИМ, Б.Мөнгөнзул ДШХМ цолны болзол хангасан байна. Харин эрэгтэй баг 187 орны 188 багаас 35-р байрт оров. Хувийн дүнгээр гуравдугаар ширээнд суусан ИМ Б.Гүндаваа 16-рт бичигдлээ. ДШХМ Б.Мөнгөнзул олимпиадад ширээндээ түрүүлсэн гурав дахь монгол шатарчин болсон юм. Түүнээс өмнө Л.Мягмарсүрэн 1960 онд дөрөвдүгээр ширээнд, Т.Үйтүмэн 1964 онд хоёрдугаар ширээнд түрүүлж байлаа.
Батаар юу хэлэв 5 минутын өмнө
