Шадар сайд С.Амарсайхан өнөөдөр УИХ-ын чуулганы хуралдаанаар "Ипотекийн зээлийн хүүг буулгах, урьдчилгаа төлбөрийг багасгах асуудлыг Засгийн газрын хуралдаанаар удахгүй оруулж, шийдвэрлүүлнэ" гэлээ.
Тэрбээр "Энэ оны зургаан сарын байдлаар 110 мянган иргэнд ипотекийн зээл олгосон. Нийт санхүүжилт нь 6.5 их наяд төгрөг. Хүүг буулгах урьдчилгаа төлбөрийг багасгах, хүртээмжийг нэмэгдүүлэх асуудал яригдаж бна. Засгийн газраар удахгүй оруулж хэлэлцүүлж шийдвэрлүүлнэ. 8 хувийн хүүтэй иргэдийн зээлийг 6 хувь руу оруулах бүрэн боломжтой гэдэг тооцоолол гарсан" гэв.
