Дэлхийн дөрвөн удаагийн аварга Германы шигшээ хасагдах шатанд үлдэж чадсангүй. Өчигдрийн тоглолтод тэд хэдийгээр Коста Рикаг 4:2 харьцаатай оноотой хожсон ч нөгөө талд Япон Испанийг хожсон нь тэднийг гэртээ харихад хүргэсэн юм. Ийнхүү Германчууд хоёр ДАШТ дараалан хэсгээсээ шалгарч чадсангүй.

E хэсэгт Японы шигшээ гайхамшиг бүтээж Европын хоёр том багийг хожин 6 оноотой болоод байна.  

Дэлхийн чансааны хоёрдугаарт бичигддэг, 2018 оны ДАШТ-ий хүрэл медальт Бельгийн шигшээ баг энэ жил хэсгээсээ шалгарч чадалгүй хасагдлаа. Хэсгийн сүүлийн тоглолтоо тэд Хорваттай хийж 0-0 харьцаагаар тэнцсэн юм. Хорват 5 оноотойгоор хэсгээсээ хоёроор гарч байна.

F хэсгийн нөгөө талд таарсан Марокко 2:1-ээр Канадыг хожсоноор хэсгээ тэргүүлэв.