ЗГХЭГ-ийн дарга, Монгол Улсын Сайд, МАН-ын Ерөнхий Нарийн Бичгийн Дарга Д.Амарбаясгалан сэтгүүлчдийн асуултанд хариуллаа.
Энэ үеэрээ тэрээр: “ЭрдэнэсТавантолгой” компани төмөр зам гэх мэт 50 гаран тэрбум төгрөгний өртэй байгаа. Эдгээр өрийг төлөхгүй бол дараа жилээс дахин алдагдалтай ажиллана. Иймээс нэн тэргүүнд өрийг төлөх нь зөв гэж үзэж байгаа. 2021 оны ашиг нь 190 гаруй тэрбум төгрөг байсан. Үүнийг хувьцаа эзэмшигч нарт тараахад нэг хүн 15 мянган төгрөг оногдохоор байна.
2022 оны ашиг нь 100 гаруй тэрбум төгрөг. Үүнийг ногдол ашиг болгон тараавал нэг хүнд 10 мянган төгрөг л оногдохоор байгаа.
Тэгэхээр 10 мянган төгрөг нэг хүнд оногдох хувьцаа болгон тараах нь иргэдэд төдийлэн ач холбогдолтой биш. Харин ч инфляцийг хөөрөгдөх аюултай. Жилийн орлого 6-7 их наяд төгрөг байгаа. Тэгэхээр иргэн бүрт 2 сая төгрөг өгье гэвэл нэг ч зарлага гаргахгүйгээр л гаргана” гэв.
