Баянзүрх дүүргийн 136 дугаар цэцэрлэгийн “Найрал дуу-2023” дууны баяр маргааш /2023.03.22/ болно. Энэхүү дууны баярыг 2022 оны дөрөвдүгээр сард анх зохион байгуулж байсан бөгөөд энэ жил хоёр дахь жилдээ зохион байгуулах гэж буй юм. 

2022 онд Хүүхдийн элч хөгжмийн зохиолч, Монгол Улсын гавьяат багш С.Батболдын бүтээлүүдээр зохион байгуулж, “Дүүдээ” дууг 136 дугаар цэцэрлэгийн таван бүлгийн 136 хүүхэд дуулжээ. Мөн түүний “Мөнх тэнгэрийн орон”, “Миний дотны найз”, “Хувиршгүй тоолол”, “Би зурах дуртай” дууг бүлгүүд сонгон дуулж, хүүхэд бүр дуулж байгаа дууныхаа тухай гэр бүлийн хамтаар бүтээлийн үзэсгэлэн гаргажээ.