"Улаанбаатар гранд слам-2023" тэмцээнд Монгол Улсын шигшээ баг хоёр алт, дөрвөн хүрэл медаль хүртсэн амжилтаар нийт 41 орноос гуравдугаар байр эзэллээ. 66 кг-ын жинд Ё.Басхүү алтан медаль, Б.Эрхэмбаяр хүрэл, 73 кг-д Б.Эрдэнэбаяр хүрэл,-100 кг-д Б.Гончигсүрэн алт, +78 кг-д Д.Номинзул хүрэл, +100 кг-ын жинд О.Цэцэнцэнгэл хүрэл медаль хүртсэн юм.
2024 оны Парисын олимпын наадмын оноо олгох дэлхийн өндөр зэрэглэлийн “Улаанбаатар их дуулга-2023” цуврал тэмцээнд 350 гаруй тамирчин оролцжээ.
