Багш нар ажил хаялт зарлахаар болсон гэх мэдээллийг тодрууллаа. Энэ талаар Монголын багш нарын үйлдвэрчний эвлэлийн холбооны тэргүүн Д.Мөнхбаатараас тодруулахад “Энэ үйл ажиллагааг манай холбооноос зохион байгуулж байгаа. Гэхдээ бид шууд ажил хаялт хийхгүй. Эхний ээлжинд Засгийн газартай уулзахаар хүсэлт өгсөн. Түүгээр зөвшилцөлд хүрэх байх гэж найдаж байна.
Хэрэв Засгийн газар бидний асуудлыг хүлээж авч зөвшилцөлд хүрэхгүй бол ирэх сарын 5-ны өдөр буюу Багш нарын баярын өдрөөр орон даяар багш нар ажил хаялт зарлахаар төлөвлөж байна. Тиймээс Засгийн газар багш нарын асуудалд нааштай хариу өгөх байх гэж найдаж байна” гэв.
Монголын багш нарын үйлдвэрчний эвлэлийн холбоо Засгийн газарт зөвшилцөх хүсэлт гаргаад байгаа аж. Хэрэв багш нарын цалинг нэмэхгүй бол ажил хаях юм байна.
