• Сагсан бөмбөгийн 2025 оны Азийн АШТ-ий урьдчилсан шатны сугалаа боллоо

• Тус тэмцээнд Монголын шигшээ баг анх удаа тоглоно

• Монголын шигшээ баг урьдчилсан шатны С хэсэгт багтав

Сагсан бөмбөгийн эрэгтэйчүүдийн 2025 оны Азийн аварга шалгаруулах тэмцээний эрх олгох урьдчилсан шатны сугалаа өнгөрсөн шөнө Катарын нийслэл Доха хотод боллоо.

Урьдчилсан шатны өмнөх сонгон шалгаруулалтын тэмцээнд тоглож анх удаа том тэмцээний эрхийн төлөө тоглохоор болсон Монголын шигшээ баг "С" хэсэгт багтсан байна.

Азийн 24 орны шигшээ багууд дөрвөөрөө зургаан хэсэгт хуваагдан тоглох бөгөөд С хэсэгт Монголын шигшээ багтай хамт Хятад, Япон, Гуамын шигшээ баг багтжээ.

• Сагсан бөмбөгийн шигшээ баг Азийн аваргын дараагийн шатанд тоглоно

• Сагсан бөмбөгийн шигшээ баг өнөөдөр Хонконгтой тоглоно

Хэсгийн хамгийн өндөр оноотой хоёр баг Азийн аварга шалгаруулах тэмцээнд оролцох эрхээ шууд авах бол гуравт орсон багууд дахин тоглож дөрөв нь Азийн аваргыг зорих учиртай.

Баг тус бүр хэсгийнхээ гурван багтай өөрийн болон айлын талбайд тоглох бөгөөд нийт 6 удаа тоглосны эцэст хэсгийн байрууд тодорхой болно. Тоглолтууд 2024 оны хоёрдугаар сард эхэлнэ.