Гавьяат тамирчин, хүндийг өргөлтийн дэлхийн аварга М.Анхцэцэг “Парис-2024” олимпын 81 кг-ын жинд оролцохоор боллоо. Олон улсын хүндийг өргөлтийн холбоо 2022-2024 онд тив, дэлхий, олон улсын тэмцээнүүдэд оролцсон чансааны оноогоор шилдэг 10 тамирчныг жагсааж олимпод оролцох эрх олгохг журамтай.

Уг журмын дагуу Олон улсын хүндийг өргөлтийн холбооноос олимпод оролцох жин тус бүрийн шилдэг 10 танирчныг зарлахад манай тамирчин М.Анхцэцэг уг жагсаалтад багтлаа. Тус холбооноос Парисыг зорих тамирчдын нэрийг эцсийн байдлаар энэ сарын 24-нд зарлана. Улмаар Үндэсний олимпын хороо баталгаажуулснаар М.Анхцэцэг олиимпод оролцох эрхээ албан ёсоор авах юм.

"Парис-2024" олимп нь М.Анхцэцэг гавьяатын хувьд гурав дахь олимп нь юм. Тэрээр "Рио-2016” олимпод наймдугаар байрт шалгарсан бол “Токио-2020” олимпод дөрөвдүгээр байр эзэлж байлаа.