Арабын Нэгдсэн Эмират Улсын Аль-Эйн хотноо Азийн Шатрын Холбооны Ерөнхийлөгч эрхэм дээдэс Шейх Султан Халифа Аль Нэхьян бин Шакбүт болон удирдлагуудтай Монголын Шатрын Холбооны Ерөнхийлөгч Г.Занданшатар албан уулзалт хийж, стратегийн түвшинд хамтран ажиллахаар санал солилцлоо.
Бидний хамтын ажиллагааны хүрээнд Монгол Улсад тивийн чанартай олон улсын тэмцээнүүдийг тогтмол хийхээс гадна Ази тивд шатрын спорт их хөгжсөн орнуудтай холбоо тогтоож, туршлага солилцох гэх мэт төлөвлөгөөнүүд багтаж байна.
Түүнчлэн уулзалтын үеэр 2026 онд Монголын Шатрын Холбоо өндөр зэрэглэлийн Ази тивийн аварга шалгаруулах тэмцээнийг 70 жилийн түүхэндээ анх удаагаа зохион байгуулах эрхийг авсан. Энэхүү өндөр ач холбогдолтой тэмцээнийг бид эх орондоо хийснээр ОХУ, БНХАУ, БНЭУ зэрэг орнуудын супер Их мастеруудтай манай шатарчид өрсөлдөж, дэлхийд танигдах боломж нээгдэх юм.
