УИХ дахь Ардчилсан намын бүлгийн гишүүд Ерөнхий сайд Г.Занданшатарыг огцруулах бичгийг санаачилж, бүлгийн дарга О.Цогтгэрэлийн албан бланк дээр гишүүдээс гарын үсэг цуглуулж буй аж. Ардчилсан намын бүлгийн гишүүд уг бичгээ ирэх 7 хоногт багтаан УИХ-д өргөн барих гэнэ. Учир нь өнгөрөгч долоо хоногт ЗГ-аас 16 дэд сайдын томилгоог хийсэнтэй холбогдуулан  шийдвэрээ эргэн харахгүй бол Засгийн газрыг огцруулах хүртэл арга хэмжээ авна гэдгээ мэдэгдэж, Ерөнхий сайдад шаардлага хүргүүлсэн. УИХ-ын гишүүдийн дөрөвний нэгээс доошгүй буюу 32 гишүүн Ерөнхий сайдыг огцруулах бичигт гарын үсэг зурсан тохиолдолд уг асуудал УИХ-аар хэлэлцэх ажээ. Дэгийн тухай хуульд зааснаар Улсын Их Хурлын 126 гишүүний 64-өөс дээш гишүүн уг саналыг дэмжвэл Засгийн газар бүрэлдэхүүнээрээ огцрох юм.