БНХАУ-ын Лужоу хотод зохион байгуулагдсан Холимог тулааны Насанд хүрэгчдийн Ази тивийн АШТ-д Монголын баг амжилттай оролцож 2 мөнгө 4 хүрэл медаль хүртлээ. Тэмцээн нэгдүгээр сарын 08-наас 11-ний өдрүүдэд Лужоугийн "Олимпын парк" ордонд явагдаж Ази тивийн 30 гаруй орны баг тамирчид холимог тулааны Модерн болон Уламжлалт гэсэн 2 төрлөөр өрсөлдсөн юм.
Монгол эх орноо төлөөлөн Азийн аваргад нийт 14 тамирчин зодоглосноос медальт байранд 6 тамирчин шалгарч 5 тамирчин шагналт тавдугаар байранд орсноор тэмцээнээ өндөрлүүлэв.
- Э.Мөнгөншагай - 96 кг / Модерн
- Э.Үнэнхүү - 120 кг / Модерн
- Н.Энхжин - 49 кг / Модерн
- А.аАдъяа - 65 кг / Модерн
- Б.Пүрэвбаатар -77 кг / Модерн
- А.Дашням - 85 КГ / Уламжлалт
Баг тамирчдыг ахлан Монголын Холимог Тулааны Холбооны ЕНБД Г.Дашдаваа болон дасгалжуулагч Г.Чулуунхуяг нар ажилласан юм. Мөн Монголын Холимог Тулааны Холбооны Шүүгчдийн зөвлөлийн нарийн бичгийн дарга, Олон улсын шүүгч Ч.Бат-Амгалан Азийн холимог тулааны холбооны урилгаар шүүгчээр ажилласан юм.
3 дахь удаагийн энэхүү тэмцээн нь “Аичи Нагоя-2026” Азийн зуны спортын XX дугаар наадам болон “Рияд 2026” “Азийн танхимын болон тулааны спортын VI наадам”-уудад оролцох эрхийг олгосноороо онцлогтой боллоо.
