Монгол Улсад ирэх сарын 17-28-ны өдрүүдэд НҮБ-ын Цөлжилттэй тэмцэх конвенцын Талуудын 17 дугаар бага хурал буюу “COP17” болно. Үүнтэй холбоотойгоор сургууль, цэцэрлэгийн үйл ажиллагаа эхлэх хуваарьт зохицуулалт хийх тухай мэдээлж буй.
Боловсролын Яамны Төрийн нарийн бичгийн даргаар Т.Ням-Очир “COP17 хуралд оролцохоор 2800 гаруй зочин, төлөөлөгч ирэх урьдчилсан тооцоо гарсан. Зочдыг хотын төвийн шаардлага хангасан зочид буудлуудад байрлуулна. Зочдыг зохион байгуулах газар руу тээвэрлэх үйл ажиллагааг зохион байгуулна.
COP17 хурал болох төвийн бүсэд 72 сургууль, 60 гаруй цэцэрлэг бий. Нийслэлийн төвийн зургаан дүүрэгт үйл ажиллагаа явуулж байгаа цэцэрлэг, сургуулиудад наймдугаар сарын 17-28-нд ямар нэгэн үйл ажиллагаа болохгүй. Бэлтгэл ажлыг цахимаар явуулна. Цэцэрлэг, ЕБС-ийн хичээл есдүгээр сарын 1-нээс танхимаар хэвийн эхэлнэ" гэж мэдээллээ.
