Тиймээс Европчууд “Өглөөний цаг бол алт” гэсэн үгийг үргэлж хэлдэг. Харин манай их, дээд сургуулийн хичээлийн эхлэх цаг харилцан адилгүй байдаг учраас өглөөний алт шиг цагийг унтаж өнгөрөөдөг, ажилдаа хоцордог үзэгдэл байдаг л зүйл шиг болжээ.

      Нөгөөтэйгүүр, өглөө эрт босох нь хичээл, сургуульдаа хоцрохоос сэргийлэхээс өөрөөр ямар ач холбогдолтой талаар төдийлөн мэдээлэлгүй байдаг билээ.

      Тиймээс 2010 оноос эхлэн “Өглөөний хүн” хөтөлбөр хэрэгжиж өглөөний цагийг үр дүнтэй өнгөрөөх олон арга хэмжээг зохион байгуулж байсан.

      Тухайлбал, өглөөний бүжиг арга хэмжээг тогтмол зохион байгуулж, өглөөний хүмүүс анхдугаар чуулга уулзалтыг анх удаагаа зохион байгуулж байжээ. Тэд их, дээд сургууль, коллежийн оюутан, аж ахуй нэгж, байгууллагуудтай уулзаж, өглөө эрт босохын ач холбогдол болон нойрыг сэрж давах аргыг ойлгуулдаг байна.

    Энэ удаад “Хэзээ нэг өдөр гэсэн өдөр долоо хоногт байдаггүй” уриатайгаар “Эрт босч сурахад хэцүү байна уу, Хамтдаа ярилцаад үзэх үү” цуврал лекцээ Чингисийн талбайд байрлах “ИХ МАЙДАР САН”- тай хамтран өнөөдөр буюу 2014.03.14-ний өглөө 07.00 цагт зохион байгууллаа. Лекц, уулзалт үнэ төлбөргүй болсон бөгөөд арга хэмжээнд хүрэлцэн ирсэн  хүмүүс сэтгэл хангалуун нэгэн өглөөг угтлаа. 

  Дашрамд дурдахад: Оройдоо унтдаггүй манай улсад өглөө эрт ажилдаг газар бараг байхгүй гэж хэлэхэд бүгд санал нийлэх байх. Автобус унаа нь хэтэрхий орой явдаг, эрт босч хэн нэгэнд саад болохгүй тулд очих газар ч алга. Сурч мэдэх, хийж бүтээх насан дээрээ унтаад баймааргүй л байна шүү гэж онцлон хэлснийг сонирхуулъя.