Судалгааны нэр хүндтэй 24/7 Wall St сайт хүүхдийн сурч, хөгжихөд хамгийн таатай орчин бүрдүүлж өгсөн ямар улс орон байдгийг судалж дүнгээ гаргажээ. Хүүхдэд хамгийн таатай орчин бүрдүүлэхэд хамгийн гол хүчин зүйл нь тухайн орны эдийн засгийн хөгжил. Тийм ч болохоор энэ жагсаалтад нэг хүнд оногдох ДНБ өндөртэй орнууд орсон байна.

1.    Швейцари
Энэ улсад хүүхдийн 95 хувь нь сурч хөгжих хамгийн сайн боломжоор хангагдсан. Энд хамгийн сайн боловсрол эзэмшиж болно.

2.    Люксембург
Энэ улсын иргэдийн 93 хувь нь хүүхэд маань сурч хөгжих бүх боломж бүрдсэн гэдэгт итгэлтэй байдаг байна. Мөн хүмүүсийн 88 хувь нь энд хүүхдэд хайр хүндэтгэлтэй ханддаг гэж боддог. Люксембургт нэг хүнд ДНБ-ний 77,9 мянган ногддог.

3.    Норвеги
Нэг хүнд ногдох ДНБ нь 55,4 мянган доллар байдаг энэ орон хэдийгээр умрын сэрүүн бүсэд байдаг ч хүүхдийн сурах орчин, чанартай хувцас зэргийг бүрэн хангаж чадсан улс.

4.    Финлянд
Сурч хөгжих бүхий л боломжоор  хангасан хүүхэд багачуудын эзлэх хувь энэ улсад 92. Финийн боловсролын тогтолцоо дэлхийд хамгийн сайн гэгддэг. Хүн амын 80 хувь нь хүүхдэд хандах хандлага маш сайн гэж үнэлдэг.

5.    Дани
Хүүхдийн нь 90 хувь сурч хөгжих бүхий л боломжоор бүрэн хангагдсан гэж судалгаанд оролцогсод үзжээ. Боловсрол, болоод хүүхэдтэй холбоотой зүйлийг төсвөөс маш сайн санхүүжүүлдэг.

6.    Исланд 
Эндхийн хүүхэд багачуудын 89 хувь нь маш сайн боломжоор хангагдсан. Боловсролын салбараа саш сайн санхүүжүүлдэг улс.

7.    Ирланд

Энэ улсад бас нийт хүүхдийн 89 хувь нь сурч хөгжих хамгийн сайн боломж нөхцөлтэй.

8.    Канад
Судалгаанд оролцсон канадчуудын 84 хувь нь төр засаг хүүхдэд маш сайн хандаж анхаардаг, улс орон хүүхдэд хамгийн ээлтэй гэж хариулсан. Ер нь хүүхдийн 88 хувь нь сурч хөгжих, амьдрах дээд зэргийн боломжтой.

9.    Чех
Багачуудын 88 хувь нь сурч амьдрах, хөгжих хамгийн сайн боломжоор хангагдсан орон. Нэг хүнд ногдох ДНБ-ээрээ тийм их өндөр биш / 27214 доллар/ ч гэсэн хүүхэд багачууддаа их анхаарал тавьдаг. Бүх шатны сургуулиуд нь маш чанартай боловсрол олгодог.

10.    Их Британи
Багачуудын 88 хувь нь дээд зэргийн бомломжоор хангагдсан орон. Эдний олон сургууль нь дэлхийн хамгийн шилдгийн жагсаалтад багтдаг.