АНУ-ын Висконсин мужийн 103 настай Мари Хант гэдэг эмэгтэй дунд сургууль төгсч дипломоо авсан байна. Тэрээр 90 жилийн өмнө өөрийн найман дүүгээ асрахын тулд сургуулиа хаяжээ. “Сургуулиа төгсөх юмсан гэж би үргэлж боддог байлаа. Тухайн үед надад даанч боломж байсангүй. 100 жилийн дараа, одоо л санасандаа хүрлээ” гэж Хант ярьжээ.
Диплом гардуулах ёслолд хөгшин хар нөмрөг, академи малгайтай хүрэлцэн ирсэн байна. Одоо тэрээр коллежид элсэх бодолтой байгаа гэнэ.