Таиландын нийслэл Бангкокын Касетсартын их сургуулийн багш нар оюутнууддаа тэрэгний морины нүд халхалдаг шиг А4-ийн цаасан хаалт өмсгөж шалгалт авч байсныг буруутгасан байна. Оюутнууд шалгалтаа өгч байгаа зургаа фейсбүүкт байрлуулсан нь бөөн дуулиан тарьж эхэлжээ. “Бид оюутнуудад үүнийгээ танилцуулж тохиролцсон. Хэн ч эсэргүүцээгүй” гэж их сургуулийн багш Наттадон Рунгруангкиткрай хэвлэлийн бааг хурал дээр мэдэгджээ.

Оюутнууд ч үүнийг нотолж “шалгалтыг олон хүн нэгэн зэрэг өгдөг. Ийм болохоор нэг нэгнээсээ хуулах явдал гарахгүй шүү дээ” гэж гуравдугаар ангийн нэгэн оюутан хэлжээ.