ЭЕШ-ын даалгаврын зөв хариултыг сүүлийн шалгалт дууссан өдрөөс хойш долоо хоногийн дараа Боловсролын үнэлгээний төв өөрсдийн веб сайт дээр байршуулах гэнэ. ЭЕШ-ын дүн, оноо, жагсаалтыг долдугаар сарын 1-ний өдрийн 09:00 цагаас өмнө нийтэд зарлах бол долдугаар сарын 5-наас өмнө шалгуулагчдын батламж хуудсыг тарааж дуусгах юм байна. Харин Улаанбаатар хотын энэ онд төгссөн бол ЭЕШ-ын болон Монгол хэл бичгийн шалгалтын /МХБШ/ дүнгийн батламж хуудсаа өөрийн төгссөн сургуулийн захиргаанаас томилогдсон багш, ажилтнаас хүлээн авна Орон нутгийн шалгуулагчид аймгийн Боловсрол соёлын газрын ЭЕШ хариуцсан ажилтнаас авах нь.

Мөн Улаанбаатар хотод шалгалт өгсөн өмнөх онд төгссөн шалгуулагчид ЭЕШ-ын болон МХБШ-ын дүнгийн батламж хуудсаа БҮТ-ийн олон нийттэй харилцах ажилтнаас хүлээн авах аж. ЭЕШ-ын болон МХБШ-ын батламж хуудас нь шалгалт өгснөөс хойш 2,5 жил /30 сар/-ийн хугацаанд хүчин төгөлдөр байх бөгөөд үрэгдүүлсэн тохиолдолд дахин олгохгүй гэнэ. Харин  БҮТ-д хандан дүнгийн тодорхойлолт авч болох юм.