Ерөнхий боловсролын сургууль төгсөгчдийн Элсэлтийн ерөнхий шалгалтын бүртгэл ирэх даваа гаригт буюу энэ сарын 25-ны 18.00 цагт дуусах юм байна. 

Одоогоор бүртгэл нийт төгсөх хүүхдийн 85 хувь нь л шалгалтад бүртгүүлээд байна гэж Боловсролын үнэлдгээний төвийн ажилтан хэлж байна.

Энэ жилийн хувьд шалгалт бүрд 5800 төгрөгийн хураамж, батламж хуудас 700 төгрөгийн үнэтэй. Мөн энэ жил ЭЕШ-д орох хүүхэд бүр монгол хэлний шалгалт өгсөн байх учиртай, үүн дотор ярианы чадварын шалгуур орсон байгаа. Хэрэь эх хэлний шалгалтдаа унасан бол ЭЕШ-д орох эрхгүй болох юм.
Энэ жил Ерөнхий боловсролын сургуулийг 36 мянган хүүхэд төгсөх юм.