БСШУС-ын сайд Ж.Батсуурь ОХУ-д айлчлах үеэрээ хэд хэдэн ажлыг амжуулжээ. Үүний нэг нь ОХУ-ын санхүүгийн дэмжлэгээр Хөгжим бүжгийн коллежийг Хөгжмийн их сургууль болгох ажил нь бүтсэн байна. Ирэх хоёрдугаар сард ОХУ-ын Хөгжмийн их сургуулийн багш, удирдлагууд Монголд ирэх бөгөөд тэд тус сургуулийг их сургууль болгоход ямар хөгжмийн зэмсэг, материаллаг бааз хэрэгтэй байгааг судлах аж. Мөн Монгол, Оросын хамтарсан ажлын хэсэг одоо зааж буй сургалтын хөтөлбөрийг нь их сургуулийнх болгож өөрчлөх юм байна.